كيف ترفيضين عريسا ؟؟؟؟؟؟؟؟؟؟

[center]

سنبدا حملات التوعيه القوميه

من اجل الفتاه العاقله التى ستكون عرضه للاغتيال

والغدر

والطعن فى العمود الفقرى مباشره

اليوم

النصائح الذهبيه

للافلات من عش الزوجيه

فلنبدأ على بركه الله يا

ابنتى

الخطه (أ)

هناك العديد من الحجج التى تعينك على رفض العريس

اولها

انك تريدين اكمال تعليمك .. اما لو كنتى انتهيتى بالفعل فستقولين لهم :

لا.. لسه بدرى

هناك الماجيستير والزماله والدكتوراه وجوائز الدوله التقديريه والتشجيعيه

ووسام الحرب من الدرجه الاولى

ثم الجائزه الاهم والحلم الاكبر

الحصول على جائزه نوبل

فى اى حاجه

وربنا يديكى طوله العمر
[

هناك ايضا حجج رائعه

مثلا

انك تفكرين فى قضايا اهم من ذلك

كأزمه الشيشان

وازمه الاحذيه فى كوبا

وازمه البنجر فى الجابون

واللاجئين فى جزر القمر

وحالما يتم ترقيع ثقب الاوزون

ستفكرين فعليا فى الخطوبه

او حجه اخرى

قد تتحججين انك لا تستطيعى مفارقه امك

لارتباطك الشديد بها

وهنا بكل خباثه

سيقترح الاب ان تصحبيها معك

وبذلك تكون الطامه الكبرى للعريس الذى

سوف يفر بمجرد سماعه ذلك

اما اذا لم تنفع اى تلك الخطط فى اقناعهم

فسيتم الانتقال الى خطه التشويه الاحتياطيه

الخطه ( ب)

اولا

لو العريس بشنب يبقى وحش بالشنب

ولو من غير شنب

فانك لا تقبلين رجلا الا بشنب

ثانيا

لو كان تخين فهو بكرش وغير مناسب

ولو رفيع فهو هيكل عظمى ومش نافع برضه

اثلثا

لو بيزوركم كتير

يبقى لزقه وسمج

ولو بيزوركم قليل يبقى مش بيحبك

رابعا

لو بيتكلم كتير يبقى رغاى

ولو كلامه قليل يبقى طوبه

خامسا

لو وائق فى نفسه يبقى مغرور

ولو مش وائق يبقى شخصيته ضعيفه

سادسا

لو سريع البديه هيبقى متسرع

ولو بطئ يبقى تنح

سابعا

لو بيفكر يحسن وضعه ويسافر مثلا يبقى طماع وجشع

لو ناوى يقعد فى مصر يبقى فقرى

ثامنا

لو استشارك فى كل الامور

يبق برياله وا***

ولو اتصرف فى كل حاجه يبقى دكتاتور

تاسعا

لو صرف عليكى كتير يبقى مسرف

ولو صرف قليل يبقى بخيل

عاشرا

لو بيغير عليكى يبقى متخلف ومش واثق فيكى

ولو مش كده يبقى مقطف

لو انهم ايضا لم يقتنعوا

يبقى خطه (ج ) هتجيب نتيجه

انها التوافق

التوافق عزيزتى يجب ان يكون موجود بينكما

يجب ان تكون معتقادتكم واراءكم واحده

فلو انه لا يحب نفس المطربين والكتب والشخصيات والهوايات التى تحبيها

فيجب ان ترفضيه على الفور

فهو غير مناسب

ولو انه يحب نفس المطربين والشخصيات والكتب ونسخه منك

فارفضيه على الفور

فانتى لا تحتاجين نسخه منك

انتى موجوده

ويسرى ذلك على الممثلين والرياضيين وابطال العالم فى صيد السردين

يجب ان يحب ما تحبيه باى طريقه

عشان يترفض فى الحالتين وانتى مستريحه

ويجب توافق الابراج بشده

فلو انبرجك مائى وبرجه ترابى

فابشرى بحياه مطينه بطين

ولو ان برجك مائى وهو هوائى

فابشرى بحياه مليئه بالاعاصير والعواصف

ودوار البحر

اما البرج الهوائى مع الترابى

فهو يبشر بحياه متطايره متفرقه متربه

لو ان برجه نارى فارفضيه اى ان كان برجك

فاحتمال ان يولع فيكى وارد بشده

وكما ترين عزيزتى

عريسك مرفوض مرفوض

يا ابنتى مرفوض

نصيحتى الذهبيه اليكى عزيزتى

اطلبى ... اطلبى ... اطلبى

انت العروسه .. اطلبى كما تشائين.. اطلبى لبن العصفور

اكيد عارفه الاعلان الانتهازى

بتاع

انا عايزه دى و دى و دى و ده و ده و ده و دول

خليكى مستغله

اخربى بيته

مش عايز يتجوز

يدفع بقى ...

اعتقد اننا فى النهايه

قدمنا اليكى عزيزتى كل ما تحتاجيه

لتستقلى قطار العنوسه

الى عالم ملئ بالهدوء

دون اطفال او وجع دماغ

او حد يقولك فين الغدا

انستى

انتى حره الان لو اتبعتى الخطوات بالترتيب

ارجو لكى حياه سعيده

مع تحيات الهيئه العامه لتنظيم الاسره

وحمايه المرأه

مقدمه لكم / مدام حنفي التى تقدس الحياه الزوجي